ដីព្រៃរបស់រដ្ឋត្រូវប្រជាពលរដ្ឋសង្ស័យថាបានឃុបឃិតគ្នាលួចធ្វើប្លង់កាន់កាប់ខុសច្បាប់
21-June-2016 | ដោយ មែន កំសត់
ព្រះវិហារ៖ដីព្រៃរបស់រដ្ឋជាប់និងដី បម្រុង១០ភាគរយអចិន្ត្រៃយ៍របស់ឃុំម្លូព្រៃមួយត្រូវបានប្រជាពលរដ្ឋ សង្ស័យថាមានអ្នកឃុបឃិតគ្នាចេញប្លង់ឲ្យឈ្មួញកាន់កាប់ខុសច្បាប់អស់ ជាង២០ហិកតាកាលពីក្នុងខែមិថុនាឆ្នាំ២០១៦ថ្មីៗកន្លងទៅនៅចំណុច ចម្ការចេកស្ថិតនៅតាមបណ្តោយផ្លូវជាតិលេខ៩ភូមិពោធិ៍ទាបឃុំម្លូព្រៃ មួយស្រុកឆែបខេត្តព្រះវិហារ។
មន្ត្រីរដ្ឋបាលព្រៃឈើឆែបសុំ មិនបញ្ចេញឈ្មោះបានប្រាប់រឿងដីខាងលើនោះឲ្យកាសែតរស្មីកម្ពុជាដឹង នៅរសៀលថ្ងៃទី២០មិថុនានេះថាកាលពីអំឡុងឆ្នាំ២០១៣មានពលរដ្ឋមួយ គ្រួសារបានមករំលោភកាន់កាប់ដីនេះម្តងរួចមកហើយ។តែត្រូវបានអាជ្ញាធរ ចុះបង្ក្រាបហើយបានបញ្ជូនទៅតុលាការខេត្តព្រះវិហារដើម្បីចាត់ការតាម និតិវិធីនៃច្បាប់។
មន្ត្រីព្រៃឈើនោះបានបង្ហើបឲ្យដឹង ទៀតថាម្ចាស់ដីដែលអាជ្ញាធរចោទប្រកាន់ថាកាន់កាប់ខុសច្បាប់នោះមាន ផ្ទៃដីតែជាងមួយហិកតាទេ។ផ្ទុយទៅវិញអ្នកដែលចូលទៅកាន់កាប់ក្រោយនេះ មិនដឹងថាមានខ្នងប៉ុនណានោះទេបានជាមានដីកាន់កាប់រហូតដល់ទៅជាង២០ ហិកតាឯណោះដោយអ្នកមុនត្រូវបានគេចាប់ដាក់គុគមានដីតែជាងមួយហិកតា ។តែឈ្មួញក្រោយនេះមានប្លង់កាន់កាប់រហូតដល់ទៅជាង២០ហិកតាតែមិន ត្រូវបានអាជ្ញាធបង្ក្រាបនោះឡើយ។
ប្រភពដដែលបានបន្តថា ជាក់ស្តែងនៅព្រឹកថ្ងៃទី២០ខែមិថុនាឆ្នាំ២០១៦គេបានសង្កេតឃើញលោក អភិបាលស្រុកឆែបបានដឹកនាំមន្ត្រីអាជ្ញាធរមានសមត្ថកិច្ចស្រុកឆែបបាន ចុះទៅសួរនាំ។តែគេបានសង្កេតឃើញថាចុះទៅគ្រាន់តែវៃទឹកបង្អើលត្រី ឲ្យជាប់មងតែប៉ុណ្ណោះដោយពុំមានឃើញមានរបាយការណ៍ជូនអាជ្ញាធរថ្នាក់ ខេត្តនោះឡើយ។
មេព្រៃស្រុកឆែបបានបញ្ជាក់ទៀតថាដីដែលត្រូវ អធិការកិច្ចនោះគឺដីឈ្មោះសោមស្រីពៅនិងដីឈ្មោះទ្រីធីតាកាប់រាន ថ្មីៗមិនទាន់ទាំងប្រមូលឈើដុតផង។ហេតុនេះសូមប្រធានគណ:កម្មាធិ ការគ្រប់គ្រងដីរដ្ឋថ្នាក់ខេត្តមេតា្តចុះអធិការកិច្ចរឿងដីបី កន្លែងនេះផងព្រោះមានលក្ខណ:មិនប្រក្រតីបើថ្នាក់ខេត្តមិនចុះមក ទេនឹងសូមសំណូមពរដល់ថ្នាក់ជាតិបន្តទៀត៕
ចំនួនអ្នកទស្សនា
- ថ្ងៃនេះ2241
- ម្សិលមិញ3881
- សប្តាហ៍នេះ24681
- ខែនេះ6131
- ឆ្នាំនេះ344111
- សរុប20786567